नुवाकोटका वडाध्यक्षलाई ३७ वर्ष कैद सजाय

 

नुवाकोट कांग्रेसका नेता तथा दुप्चेश्वर गाउँपालिका १ घ्याङफेदीका वडाध्यक्ष सुनबहादुर तामाङलाई नुवाकोट जिल्ला अदालतले मानव बेचविखनको मुद्दामा ३७ वर्ष ६ महिना कैद र दुई लाख ५० हजार जरिवानाको फैसला गरेको छ। तामाङलाई नेपाल प्रहरीको केन्द्रीय अनुसन्धान ब्यूरोले गत पुस ७ गते गाउँबाटै पक्राउ गरी हिरासतमा राखेको छ। उनीविरुद्ध मानव बेचबिखन तथा ओसारपसार सम्बन्धी विभिन्न मुद्दा दायर भएको छ। जिल्ला न्यायाधीश लोकजंग शाहको एकल इजलाशले वडाध्यक्ष तामाङसहित तीन जनालाई कैदका साथै जरिवाना गर्ने फैसला सुनाएको हो।

 

तामाङसहित स्थानीय सुकमान लामालाई ३२ वर्ष तीन महिना २३ दिन तथा टीकाराम तामाङलाई ३० वर्ष कैदका साथै जनही दुई लाख ५० हजार रुपैयाँ जरिवाना गर्ने फैसला भएको नुवाकोट अदालतका श्रेस्तेदार महिमानसिंह विष्टले जानकारी दिए। एउटै मुद्दाका आरोपी अवतार तामाङ, पासाङ तामाङ र राधा तामाङको मुद्दा भने विचाराधिन छ। मानव वेचविखन मुद्दामा जिल्ला अदालतबाट ठूलो कैद सजाय फैसला भएको यो पहिलो हो।

 

मानव बेचबिखनजस्तो गम्भीर प्रकृतिको मुद्दा खेपिरहेका तामाङलाई गत चैत्रमा कांग्रेसका केन्द्रीय नेताको सेटिङमा धरौटीमा छुटाइएको थियो। घ्याङ्फेदीबाट हराएका सयौं स्थानीयसँग वडाध्यक्ष सुनबहादुर तामाङको नाम जोडिएको छ। सुनबहादुरविरूद्ध ११ जनाले प्रहरीमा जाहेरी दिएका छन्। सुनबहादुरका छोरा पनि यही मुद्दामा कारागारमा छन्। स्थानीयका अनुसार उनका दुई श्रीमतीसमेत हिन्दुस्तानमै छन्।

प्रतिकृया दिनुहोस

त्रिशूली जलविद्युत् केन्द्रमा भीषण आगलागी

           त्रिशूली जलविद्युत् केन्द्रमा मंगलबार आगलागी भएको छ । विद्युत गृहको जेनेरेसनतर्फको ६.६ केभी साइट ब्रेकरमा मंगलबार दिउँसो करिब

गोसाइकुण्डमा केबलकार चलाउन ५५ लाख बजेट विनियोजन

  रसुवाको धार्मिक तथा पर्यटकीयस्थल गोसाईकुण्डमा निर्माण गर्न लागिएको केबलकारको विस्तृत परियोजना प्रतिवेदन (डिपिआर) तयार गर्नका लागि प्रदेश तथा

नुवाकोटका धेरै स्वास्थ्य चौकीले प्रवाह गर्ने सेवामा निकै सुधार गर्नुपर्ने

  नुवाकोटका धेरै स्वास्थ्य चौकीले प्रवाह गर्ने सेवामा निकै सुधार गर्नुपर्ने भएको छ।  जिल्ला जनस्वास्थ्य कार्यालयको सहयोगमा सामुदायिक विकास