स्वास्थ्य तथा जनसंख्या वैज्ञानिकको चौथो शिखर सम्मेलन राजधानीमा शुरु

स्वास्थ्य तथा जनसंख्या वैज्ञानिकको चौथो शिखर सम्मेलन चैत २८ बाट राजधानीमा शुरु भएको छ । नेपाल स्वास्थ्य अनुसन्धान परिषदको आयोजनामा हुने दुई दिने उक्त सम्मेलनमा देशभरबाट १ हजार स्वास्थ्य बैज्ञानिकहरुको सहभागीता रहेको छ । सम्मेलनको उद्घाटन स्वास्थ्य तथा जनसंख्या राज्यमन्त्री पद्मा अर्यालले गरेकी छन् । सो अवसरमा बोल्दै राज्यमन्त्री अर्यालले स्वास्थ्य अनुसन्धानका विषयलाई प्रभावकारी ढंगले अघि बढाउन अहिलेको आवश्यकता रहेको बताइन । उनले अनुसन्धानलाई प्रदेश तहमा विस्तार गर्न जोड दिइन ।

 

सम्मेलनको यसपटकको नारा बदलिदो स्वास्थ्य प्रणालीको लागि उच्चस्तरीय अनुसन्धान भन्ने रहेको छ । अघिल्ला सम्मेलनमा विदेशबाट समेत बैज्ञानिकहरु आउने गरेपनि यसपटक स्वदेशी बैज्ञानिकहरुको मात्रै सहभागिता रहेको छ । परिषद्का कार्यकारी अध्यक्ष डा अञ्जनीकुमार झाले यसपटकको सम्मेलनमा खोज तथा अनुसन्धानका बारेमा ६५ वटा मौखिक प्रस्तुति र ६७ वटा पोष्टर प्रस्तुति रहने बताए ।

 

त्यसैमा आमन्त्रित विज्ञहरुबाट संघीयतामा स्वास्थ्य अनुसन्धान, नेपालमा सञ्चालन भइरहेका स्वास्थ्य अनुसन्धान सम्बन्धी गतिविधिका बारेमा जानकारी, नसर्ने रोग र गरीवीको बारेमा ८ वटा कार्यपत्र प्रस्तुत हुने उनले बताए । परिषदका बरिष्ठ अनुसन्धान अधिकृत डा मेघनाथ धिमालका अनुसार सम्मेलन नसर्ने रोग, पोषण र खाद्य सुरक्षा, प्रजनन लैगिंक र मातृ स्वास्थ्य, मानसिक स्वास्थ्य, वित्त, प्रशासन र स्वास्थ्य प्रणालीको बारेमा केन्द्रीत रहने छ ।

 

त्यसैगरी नवजात शिशु, किशोर किशोरीको स्वास्थ्य तथा लैगिक हिंसा, बाताबरणीय पेशागत र सहरी स्वास्थ्य, सरुवा रोग तथा अन्य विषयका विधाहरुमा प्रस्तुति हुनेछ ।कार्यक्रमको समापनका दिन ७ जना उत्कृष्ठ अनुसन्धानकर्ताहरुलाई पुरस्कृत गरिने समेत बतताइएको छ । परिषदले पछिल्लो चार बर्ष देखि स्वास्थ्य तथा जनसंख्या विज्ञहरुलाई एकै ठाँउमा राखी भेलागरी स्वास्थ्य अनुसन्धानका बारेमा गहन बहस चलाउँदै आएको छ ।

प्रतिकृया दिनुहोस

भिटामिन डीको कमीले क्यान्सर हुने

  डा. सुनिल पौडेल भिटामिन डीको कमीले क्यान्सर यो एक प्रमाणित मेडिकल तथ्य हो कि भिटामिन डीको कमी भएका व्यक्तिहरूलाई क्यान्सर, उच्च रक्तचाप तथा

राजधानी काठमाडौँमै बर्डफ्लु

  कुखुरा उत्पादनको मुख्य केन्द्र मानिने चितवनमा केही दिन बर्डफ्लुको सङ्क्रमण देखिएको पूर्ण नियन्त्रण नहुँदै राजधानी काठमाडौँमै बर्डफ्लु देखिएको

धेरै रकम लिएर मलेसिया पठाउने म्यानपावर व्यवसायी पक्राउ

स्वास्थ्य परीक्षण र प्रवेशाज्ञा प्रक्रियामार्फत सरकारले तोकेभन्दा धेरै रकम लिएर मलेसिया पठाउने म्यानपावर व्यवसायी पक्राउ परेका छन् । प्रहरीले