पोलिलिटेक्निकल इन्स्टिच्युट निर्माणका लागि स्थानीयवासीले निःशुल्क ७० रोपनी जग्गा प्रदान गरे

 

वालिङ पोलिटेक्निकल इन्स्टिच्युट निर्माणका लागि यहाँका स्थानीयवासीले निःशुल्क ७० रोपनी जग्गा प्रदान गरेका छन् । वालिङ नगरपालिका वडा नं। १३ का बाह्रबिसे, मेथीबारी र हुक्सेका ४१ जना स्थानीयबासिन्दाले वालिङ नगरपालिकाले निर्माण गर्न लागेको पोलिटेक्निकल इन्स्टिच्युटका लागि वालिङ नगरपालिकालाई सामूहिकरुपमा निःशुल्क जग्गा उपलब्ध गराएका वालिङ नगरपालिकाका नगर प्रमुख दिलीपप्रताप खाँणले बताउनुभयो ।

 

नगरपालिकालाई प्राप्त भएको ७० रोपनी जग्गाको स्थानीय चलनचल्तीको मूल्यअनुसार करिब रु १० करोड र मालपोतका अनुसार रु एक करोेडभन्दा बढी मूल्यको रहेको बताइएको छ । प्राविधिक शिक्षा तथा व्यावसायिक तालीम परिषद्अन्तर्गत निर्माण हुने उक्त इन्स्टिच्युटका लागि स्वीकृति प्राप्त भइसकेको छ । वालिङ नगर प्रमुख खाँणले भन्नुभयो, “नगरपालिकालाई प्राप्त भएको उक्त जग्गामा अब हामीले पूर्वाधार निर्माणमा बजेट विनियोजन गरी यही आर्थिक वर्षदेखि निर्माण प्रक्रिया शुरु गर्छौंं ।”

 

निर्माण शुरु भएको पाँच वर्षभित्र सक्नेगरी काम अगाडि बढाइने र सम्पूर्ण पूर्वाधार तयार भई पूरा भइसकेपछि विविध विषयमा एकैपटकमा पाँच हजार विद्यार्थीले अध्ययन गर्नसक्ने वालिङ नगरपालिकाले जनाएको छ । देशलाई आवश्यक पर्ने दक्ष प्राविधिक जनशक्ति उत्पादन गर्ने, रोजगारीको अवसर सिर्जना गर्ने, प्राविधिक शिक्षा तथा ब्यावसायिक तालीमका अवसरहरुको विस्तार गर्ने, परम्परागत सीप र क्षमताको पहिचान तथा संरक्षण गरी गुणस्तरीय वस्तुको उत्पादनमा जोड दिने वालिङ पोलिटेक्निकल इन्स्टिच्युटको उद्देश्य रहेको नगर प्रमुख खाँणले बताउनुभयो ।

 

वडावासीले निःशुल्करुपमा जग्गा प्रदान गरेसँगै वालिङ नगरपालिकाले पोलिटेक्निकल इन्स्टिच्युट निर्माण गर्ने भएपछि वडावासी हर्षित रहेका १३ नम्बर वडाका वडा अध्यक्ष आनन्द पाठकले बताउनुभयो । “अहिले जग्गाको मूल्य बढीरहेका बेला यति धेरै जग्गा निःशुल्करुपमा एकै ठाउँमा पाउनु ठूलो उपलब्धि हो”, १३ नम्बर वडा अध्यक्ष पाठकले भन्नुभयो, “जग्गादाताहरुले विकासका लागि सामूहिकरुपमा ठूलो परिमाणमा जग्गा उपलब्ध गराउनुभएको छ, यसले पनि प्रमाणित गर्छ विकासका लागि स्थानीयबासिन्दा पनि सधैँ हामीसँगै हुनुहुन्छ ।”

प्रतिकृया दिनुहोस

एसइई परीक्षाको नतिजा असारको दोस्रो सातामा प्रकाशित गर्ने तयारी

  कक्षा १० को अन्तिम परीक्षाका रुपमा रहेको माध्यमिक शिक्षा परीक्षा अर्थात् एसइई परीक्षाको नतिजा यस वर्ष ढिलो हुने भएको छ । परीक्षा नियन्त्रण

त्रिभुवन विश्वविद्यालयले एकै दिनमा लब्धांकपत्र उपलब्ध गराउने

 त्रिभुवन विश्वविद्यालयले एकै दिनमा लब्धांकपत्र उपलब्ध गराउन सुरु गरेको छ । त्रिभुवन विश्वविद्यालयका उपकूलपति प्रा.डाक्टर तीर्थराज खनियाँले एकै

सरकारले सबै विश्वविद्यालयलाई सेन्टर फर एक्सिलेन्सका रुपमा विकास गर्ने

सरकारले सबै विश्वविद्यालयलाई सेन्टर फर एक्सिलेन्सका रुपमा विकास गर्ने भएको छ । सोमबार संघीय व्यवस्थापिका संसदमा २०७५÷०७६ को नीति तथा कार्यक्रम