हैदरावादले रोयल च्यालेन्जर्स बैंग्लोरलाई पाँच रनले हरायो

                      srh vs rcb 8th may matchको लागि तस्बिर परिणाम

आईपीएल मा सनराइजर्स हैदरावादले रोयल च्यालेन्जर्स बैंग्लोरलाई पाँच रनले हराएको छ ।राजीव गान्धी अन्तर्राष्ट्रिय स्टेडियममा सोमबार राति टस हारेर व्याटिङ गरेको हैदरावादले कप्तान केन विलियम्सनको ५६ रनको मद्दतमा १४६ रन बनाएको थियो । उनी प्लेयर अफ दि म्याच पनि भए । १४७ रनको लक्ष्य पछ्याएको बैंग्लोर निर्धारित २० ओभरमा ६ विकेटको क्षतिमा १४१ रनमा समेटियो । खेलको अन्तिम बलमा भुवनेश्वर कुमारले कोलिन डि ग्रान्डहोमलाई ३३ रनको स्कोरमा बोल्ड गरे ।

 

मन्दिप सिंह २१ रन बनाएर आउट भए । खेलमा रमाइलो के भयो भने दुबै टिमले आफ्नो पारीको अन्तिम बलमा एक-एक विकेट गुमाएका थिए । बैंगलोरका लागि कप्तान बिराट कोहलीले सर्वाधिक ३९ रन बनाए । उनलाई शाकिब अल हसनको बलमा युसुफ पठानले आउट गरे । एबी डिभिलियर्सलाई पनि पाँच रनमा शाकिबले नै आउट गरे । पहिलो पटक आईपीएल खेलिरहेका मोइन अलीलाई १० रनको स्कोरमा सिद्धार्थ कौलले विकेटकिपर ऋद्धिमान साहको हातबाट क्याचआउट गरे ।

 

पार्थिव पटेल १३ बलमा २० रन बनाएर शाकिब अल हसनको बलमा एलबीडब्लुको धरापमा परे । मनन बोहरालाई सन्दिप शर्माले बोल्ड गरे । मननले ८ रन बनाए । हैदरावादका लागि सन्दिप शर्मा, भुवनेश्वर कुमार, सिद्धार्थ कौल र राशिद खानले एक-एक विकेट लिए । तर, शाकिब हल हसनले दुई खेलाडीलाई पेभेलियन फर्काउन सफल भए । यसअघि सनराइजर्स हैदरावाद १४६ रनमा अलआउट भयो । अन्तिम दुई ओभरमा उसको पाँच विकेट झर्‍यो ।

 

हैदरावादका लागि विलिम्सनका अलावा शाकिब अल हसनले ३५ र युसुफ पठानले १२ रन योगदान गरे । अन्य कुनै पनि व्याट्सम्यानले दोहोरो अंकको रन बनाउन सकेनन् । बैंग्लोरको तर्फबाट टिम साउथी र मोहम्मद सिराजले तीन-तीन विकेट लिए । उमेश यादव र युजवेन्द्र चहलले एक-एक विकेट झारे । उमेशको टिमले जित्न त सकेन तर उमेशले १० खेलमा १४ विकेट झारिसकेका छन् । उनी आईपीएलको जारी सिजनमा सबैभन्दा धेरै विकेट लिने खेलाडी बनेका छन् ।

 

आईपीएलको जारी ११ औं संस्करणमा हालसम्म ३९ खेल भएका छन् भने हैदरावाद १० खेलमा ८ जितका साथ १६ अंक बटुल्दै अंक तालिकाको शीर्ष स्थानमा छ । आईपीएलका पुराना सिजनलाई हेर्ने हो भने यो अंकले हैदरावाद प्लेअफमा पुग्ने पक्का भइसकेको छ ।यता रोयल च्यालेन्जर्स बैंग्लोरले १० खेलमा केबल ३ खेलमात्र जित्न सकेको छ । उ अंक तालिकामा ६ अंकका साथ छैठौं स्थानमा छ । हैदरावादसँग हारेसँगै प्लेअफमा पुग्न उसलाई मुस्किल भएको छ ।

प्रतिकृया दिनुहोस

फ्रान्स विश्वकप फुटबलको फाइनलमा प्रवेश

                बेल्जियमलाई हराउँदै फ्रान्स विश्वकप फुटबलको फाइनलमा प्रवेश गरेको छ । रुसको सेन्ट पिटर्सवर्ग रंगशालामा गएराति भएको

विश्वकपको क्वाटरफाईनल खेल शुक्रवार र शनिवार हुने

रुसमा जारी विश्वकप फुटबल प्रतियोगिताको क्वाटरफाईनल समीकरण पूरा भएको छ । गएराती राउण्ड अफ सिक्सटिनका खेल सकिएसँगै प्रतियोगिताको क्वाटरफाईनल

विश्वकप फुटबलको खेलतालिका - नेपाली समयअनुसार

यहि जेठ ३१ गतेबाट रुसमा हुन लागेको विश्वकप फुटबलको खेल तालिका सार्वजनिक भएको छ । एक महिनासम्म चल्ने २०१८ को विश्वकप फुटबल उपाधिका लागि ३२ राष्ट्रले