बुद्धको मूर्ति बिक्री गर्दै हिँडेका तीनजनालाई नुवाकोट प्रहरीले चोरी अभियोगमा मुद्दा दर्ता गरी कारबाहीको लागि अनुसन्धान शुरु गर्यो

 

बुद्धको मूर्ति बिक्री गर्दै हिँडेका तीनजनालाई नुवाकोट प्रहरीले चोरी अभियोगमा मुद्दा दर्ता गरी कारबाहीको लागि अनुसन्धान शुरु गरेको छ । काठमाण्डौं चन्द्रागिरि नगरपालिका–२ स्थित नागढुंगामा प्रहरीले आइतबार जाँच गर्ने क्रममा बरामद गरेको चार किलोग्राम तौलको बुद्धको मूर्तिसहित पक्राउ परेकालाई मंगलबार अदालतमा मुद्दा दर्ता गरी अनुसन्धान शुरु गरेको जिल्ला प्रहरी कार्यालयका प्रहरी निरीक्षक राजाराम खड्काले जानकारी दिनुभयो ।

 

नुवाकोटको विदुर नपा–९, तुप्चेका २४ वर्षीय सञ्जीव बानियाँलाई बा ६० प ३९०६ नम्बरको स्कुटरको डिकीमा लुकाएर बिक्रीका लागि लैजाँदै गरेको अवस्थामा काठमाडौँ प्रहरीले बुद्धको मूर्ति बरामद गरेको थियो । अनुसन्धानको क्रममा उक्त मूर्ति बिक्री गर्न संलग्न एकै स्थानका २२ वर्षीय सञ्जय तामाङलाई काठमाडौँ प्रहरीले पक्राउ गरी कारबाहीका लागि सोमबार नुवाकोट प्रहरीलाई बुझाएको थियो ।

 

यहाँको प्रहरीले अनुसन्धान गर्ने क्रममा मूर्ति बिक्रीका लागि ग्राहक खोजेर पठाउने मुख्य योजनाकार सोही स्थानका २१ वर्षीय धनसिङ तामाङलाई पनि पक्राउ गरेको प्रहरीले जनाएको छ । बुद्धको मूर्ति ओसारपसारमा संलग्नलाई पुरातात्विक ऐनअनुसार कारबाही हुने भएपनि पुरातत्व विभागमार्फत पहिचान गराउन बाँकी रहेकाले तत्काल चोरी अभियोग लगाइएको छ । प्रारम्भिक अनुसन्धानअनुसार उक्त मूर्ति उनीहरुले चोरी गरी बिक्रीको लागि लैजाँदै गरेको प्रहरीको दाबी छ ।
 

प्रतिकृया दिनुहोस

बालिकालाई बलात्कार गरेको अभियोगमा नुवाकोट प्रहरीले मकवानपुरका रामबाबु घिमिरेलाई नियन्त्रणमा लियो

६ वर्षीया बालिकालाई बलात्कार गरेको अभियोगमा नुवाकोट प्रहरीले मकवानपुरगढी गाउँपालिका–५, मकवानपुरका रामबाबु घिमिरेलाई नियन्त्रणमा लिएको छ । 

“बाल बालिकाको सर्वाङ बिकासमा पोषण” शिर्षकमा बक्तृत्वत्वकला सम्पन्न

  पोषण सप्ताह कार्यक्रम अन्तगर्त विभिन्न कार्यक्रम गरेर सम्पन्न भएको छ । दुप्चेश्वर गाउपालिकाको आधारभुत  स्वास्थ र सरसफाई शाखा द्वारा आयोजित

छात्रबृत्ति रकम हस्त्तारण

शिवपुरी गाउ पालिका वडा नम्वर ७ मा रहेको श्री पन्चकन्या भुमे आधारभुत बिद्यालयले आफना बिद्यार्थीलाई   जेनिसा एसो सियसन ले उपलब्ध गराएको छात्रबृत्ति